የሚዛን አማን ከተማ የውሃና ፍሳሽ አገልግሎት ድርጅት

እንኳን ወደ ሚዛን አማን ከተማ አስተዳደር የውሃና ፍሳሽ አገልግሎት ድርጅት ድረ-ገጽ በደህና መጣችሁ።

ውሃ የህይወት መሰረት ብቻ ሳይሆን የከተማችን የኢኮኖሚ እድገት እና የማህበረሰባችን ጤና ዋስትና ነው። ድርጅታችን ከተመሰረተበት ከ1991 ዓ.ም ጀምሮ ለከተማዋ ነዋሪዎች ንጹህ የመጠጥ ውሃ ተደራሽ ለማድረግ እና የፍሳሽ ማስወገጃ ስርዓቱን ለማዘመን በትጋት ሲሰራ ቆይቷል።

በአሁኑ ወቅት ከተማችን ሚዛን አማን እያሳየች ያለውን ፈጣን እድገት ተከትሎ፣ እያደገ የመጣውን የውሃ ፍላጎት ለማርካት ተቋማችን የቴክኖሎጂ አጠቃቀሙን በማዘመን፣ አዳዲስ የውሃ ጉድጓዶችን በመቆፈር እና የማስፋፊያ መስመሮችን በመዘርጋት ላይ ይገኛል። አዲሱ የደቡብ ምዕራብ ኢትዮጵያ ህዝቦች ክልል መመስረት ደግሞ አገልግሎታችንን ይበልጥ ለማስፋት እና ለውጥ ለማምጣት አዲስ አቅም ሆኖናል።

ዋና ዓላማችን ደንበኞቻችንን ማዕከል ያደረገ፣ ቀልጣፋ እና ግልጽነት የሰፈነበት አገልግሎት መስጠት ነው። ይህ ዌብሳይትም በመካከላችን ያለውን ግንኙነት በማጠናከር፣ መረጃዎችን በፍጥነት ለማድረስ እና ግብረ-መልስ ለመቀበል እንደ ድልድይ ሆኖ ያገለግላል።

አመሰግናለሁ!